အမှတ်တရ
Wednesday, February 6, 2008 by ဂျူလီယာ
ဉာဏ်မောင်။ ။ဖေဖော်ဝါရီ ၄၊ ၂၀၀၈
၎င်းရက်တွင်ဖော်ပြခဲ့သော လည်ပင်းရှည်ပဒေါင်အမျိုးသမီးများအား ရုံသွင်းပြသဆိုသည့် ခေါင်းစဉ်လေးအတွက်…….
ညာဏ်မောင် ရိုးမ၃တွင်ဖော်ပြသော ကယာန်းပဒေါင်လူမျိုး၏ မြန်မာပြည်တွင် အဆင်းရဲဆုံးစာရင်းဝင်အဖြစ် “လူသားတိရစ္ဆာန်ရုံ”တစ်ခုအနေဖြင့် ဘန်ကောက်နှင့်အခြားမြို့ကြီးများတွင် ရုံတင်ပြသသည်အထိ တွေ့ရှိသောကြောင့် အတိုင်းမသိ(စိတ်မကောင်း)၀မ်းနည်းခဲ့ရပါတယ် ညဏ်မောင်ရေ ကျွန်တော်ဟာ ကယားပြည်နယ်က ကယာန်းပခေါင်လူမျိုး တစ်ယောက်ပါ အရှိတိုင်းအခုလိုမှန်ကန်စွာဖော်ပြပေးတဲ့အတွက် ကျေးဇူးတင်ပါတယ် ကျွန်တော်တို့ရိုးရာစာတမ်း တစ်ခုဖြစ်နေလို့လည်း ပြန်လည်တင်ထားခဲ့ပါတယ်။
ထိုင်းနိုင်ငံသို့ရောက်ရှိလာသော မြန်မာဒုက္ခသည် လည်ပင်းရှည် ပဒေါင်လူမျိုးများကို ထိုင်းနိုင်ငံ၊ နိုင်ငံခြားခရီးသွားဝင်ငွေအဖြစ် ရုံသွင်းပြသလျှက်ရှိသည်။
ထိုပဒေါင်အမျိုးသမီးများကို ထိုင်းနိုင်ငံတွင်ပင် ထိန်းသိမ်းထား ပြီး ပြည်တွင်းခရီးသွားလုပ်ငန်းအတွက် အဓိကအခန်းကဏ္ဍမှ ဝင်ငွေရရှိနေသည့်အတွက် ယင်းကဲ့သို့ ပြသနေခြင်းဖြစ်ပြီး အခြားနိုင်ငံများသို့ ထွက်ခွာခွင့်ကိုလည်း ပိတ်ပင်ထားခြင်း ဖြစ်သည်။
၎င်းပဒေါင်မျိုးနွယ်စု အမျိုးသမီးများသည် မိရိုးဖလာအရ ယင်းတို့၏ လည်ပင်းတွင် သတ္တုကွင်း များ အဆင့်ဆင့် စွပ်ထား သောကြောင့် လည်ပင်းအရှည်ကြီးဖြစ်နေသဖြင့် သာမန်လူများ ထက် ထူးခြားနေကာ ထိုင်းနိုင်ငံသို့ လာရောက်လည်ပတ်သော ကမ္ဘာလှည့်ခရီးသွား ဧည့်သည် များက အထူးစိတ်ဝင်စားလျှက်ရှိသည်။
ကယန်း(ပဒေါင်လည်ပင်းရှည်)လူမျိုး အများစုသည် ကယားပြည်နယ်မှဖြစ်ပြီး ၎င်းတို့၏ ထူးခြားသည့် ဓလေ့ရိုးရာများကို လာရောက်ကြည့်ရှုသည့် နိုင်ငံခြားသား ခရီးသွားများအား ရိုးရာပစ္စည်းများရောင်းခြင်း၊ ဓာတ်ပုံအရိုက်ခံခြင်းများဖြင့် အသက်မွေးဝမ်းကြောင်း ပြုနေရပြီး ဘန်ကောက်နှင့် အခြားမြို့ကြီးများတွင် “လူသားတိရစ္ဆာန်ရုံ”ကဲ့သို့ ပြသခြင်းခံနေရသည်။
လွန်ခဲ့သော (၂) နှစ်က ကုလသမဂ္ဂ မဟာမင်းကြီးရုံးက ပြောဆိုရာတွင် ထိုင်းအာဏာပိုင်များက ကယန်းမျိုးနွယ်စု(ပဒေါင်) လူ ၂၀ ဦးကို ဖင်လန်နှင့် နယူးဇီလန်နိုင်ငံသို့ အခြေချနေထိုင်ရန် ထွက်ခွာမည့် အစီအစဉ်ကို တားမြစ်ထားခဲ့သည်။
ယခုကဲ့သို့ တိုင်းရင်းသားများကို ခုတုံးလုပ် ၀င်ငွေရှာနေခြင်းများကို ရပ်တန့်ကာ လာမည့်ဇူလိုင် လတွင် အာစီယနိုင်ငံများ၏ ဥက္ကဌသစ်ဖြစ်လာမည့် ထိုင်းနိုင်ငံအနေဖြင့် အဓိကအခန်းကဏ္ဍမှ ပါဝင်ဆောင်ရွက်သင့်ပြီး လူ့အခွင့်အရေးမြှင့်တင်ဆောင်ရွက်မှုတွင် ပါဝင်ဆောင်ရွက်သည့် အနေဖြင့် အိမ်နီးချင်း မြန်မာနိုင်ငံ၏ ဒီမိုကရေစီနှင့် ငြိမ်းချမ်းရေးအတွက် ကူညီဆောင်ရွက် ဖြေရှင်းပေးရန် ဥရောပသမဂ္ဂ(EU)က တိုက်တွန်းထားသည်။
မြန်မာနိုင်ငံစစ်အစိုးရအနေဖြင့်လည်း ၂၀၀၅ နှင့် ၂၀၀၆ ခုနှစ်အတွင်း တိုင်းရင်းသားကျေးရွာဟု ဆိုကာ ရန်ကုန်မြို့တဖက်ကမ်းရှိ သန်လျှင်မြို့တွင် နိုင်ငံခြားခရီးသွားဝင်ငွေရရှိရန် လုပ်ကိုင် ဆောင်ရွက်ခဲ့သည်။
